Голема лага откри истрагата за несреќата на подморницата „Титан“

Во јуни минатата година, во експлозија на приватната подморница „Титан“, која се спушташе кон потонатиот брод „Титаник“, загинаа сите пет патници, кои, според извештаите, загинале во дел од секундата.

Наводен транскрипт од комуникацијата меѓу подморницата и матичниот брод кружеше на Интернет. Транскриптот сугерираше дека патниците биле свесни за претстојната експлозија. Но, шефот на тимот на американската сојузна влада што ја истражува катастрофата рече дека целиот транскрипт е фикција, пишува Њујорк Тајмс.

„Сè е измислено“
„Убеден сум дека се работи за лажен транскрипт. Сето тоа е измислено“, изјави капетанот Џејсон Д.

„Некој го направи тоа доволно добро за да биде убедлив“, тврди тој.

Преписката која кружи на Интернет сугерираше дека патниците на подморницата биле свесни за бројните аларми што биле активирани во пловилото и дека навремено го информирале својот мајчин брод. Во меѓувреме, како што се дознава, американските инспектори дошле и до записи за реалните комуникации меѓу подморницата и матичниот брод Polar Prince. Сепак, таа информација остана необјавен дел од истрагата.

Нојбаер рече дека неговиот тим „не нашол докази“ дека патниците на „Титан“ биле свесни за претстојната експлозија или нивната судбина.

Нојбаер додаде дека истрагата за експлозијата на „Титан“ е една од најкомплексните што ги направил во неговата децениска работа и дека конечниот извештај за несреќата би можел да биде завршен во следните две до три години поради „многубројните компликации“.