Голем пожар во близина на Сан Франциско, ситуацијата се влошува (видео)

02/06/2024 15:00

Пожарникарите се борат да изгаснат голем шумски пожар околу Сан Франциско, Калифорнија, но ситуацијата се влошува поради ветровите што ги разгоруваат пламените јазици.

Според соопштение на Одделот за шумарство и заштита од пожари во Калифорнија, пожарот избувнал вчера попладне во близина на градот Трејси, околу 96 километри источно од Сан Франциско, во област составена главно од тревни ридови и каде што се очекува силните ветрови да продолжат во текот на ноќта.

Локалните власти доцна синоќа соопштија дека пожарот зафатил површина од 44,5 квадратни километри, за разлика од претходниот извештај од 40,4 квадратни километри.

Секторот за шумарство и заштита информира дека при гаснењето на пожарот се повредени двајца пожарникари.

Канцеларијата за управување со вонредни состојби во округот Сан Хоакин издаде наредба за евакуација, укажувајќи на пожарот во областа источно од автопатот 580. На жителите помеѓу патот Корал Холоу и булеварот Трејси им беше наредено да ги напуштат своите домови, а на жителите јужно од булеварот Трејси им беше кажано да бидат подготвени за евакуација.

Поврзани содржини

Мексиканската влада формира специјална единица за борба против нарко-картелите
Белата куќа потврди дека Трамп утре ќе воведе царини
„Балет на Украина“ настапи во Шведска и Финска. Се испостави дека тоа биле Руси
Отворена нова истрага против Марин Ле Пен – за закани кон судии
Русија спроведува нова мобилизација, најголема во последните 14 години
Бардела ја нарече „тиранија на судиите“ пресудата за Ле Пен
Американец по грешка е депортиран во мега-затвор во Ел Салвадор – „Не можеме да го вратиме“
УНИЦЕФ: Најмалку 322 деца наводно убиени во Газа по прекинот на огнот

Најчитани