Голем пожар на „Кнез Михајлова“ во Белград, гореше продавницата на „Ваикики“
Големиот пожар што вечерва избувна на улицата „Кнез Михајлова“ во Белград е локализиран, а повредени нема, дознава Танјуг.
Полицијата го обезбеди просторот околу местото на настанот, а пожарникарите сè уште се на терен. Од полицијата за Танјуг велат дека околу 19 часот во полиција било пријавено дека избувнал пожар на третиот кат од стопански објект. На терен се испратени 21 пожарникар со шест возила.
View this post on Instagram
Малку порано медиумите објавија за пожар во центарот на Белград, па објавија дека дел од улицата е затворена за минувачите, а постои и опасност од експлозија. Горела продавницата на „Ваикики“, која се простира на три ката.
„Вечерта избувна пожар во познат стопански објект во улицата „Кнез Михајлова“. Пожарот се гаси, а од зградата излегува густ црн чад. Не се знае дали има повредени, а има шест противпожарни бригади на терен. Местото го обезбедува и полиција која ги предупредува граѓаните да не се приближуваат до зградата. Затоа може да има и експлозија бидејќи не е утврдено зошто гори зградата“, јави Курир.
„Централниот дел на „Кнез Михајлова“ е затворен за случајни минувачи, во тек е гаснење, се уште има црн чад, а ситуацијата е помирна во однос на пред половина час. Пожарникарите постојано влегуваат и излегуваат од зградата. Има помош од колеги кои постојано пристигнуваат“, додаде репортерот.