Годишната стапка на инфлацијата во Велика Британија во ноември падна на 3,9 отсто

Годишната стапка на инфлација во Велика Британија падна на 3,9 отсто во ноември од 4,6 отсто во октомври и сега е најниска од септември 2021 година, објави денеска британската Канцеларија за национална статистика – ONS.

Пазарите очекуваа поскромно намалување на инфлацијата до 4,4 отсто. Цените на транспортот паднаа за 1,5 отсто на годишно ниво, а цените на храната и безалкохолните пијалоци пораснаа за 9,1 отсто, облеката и обувките за 5,7 отсто, рекреацијата и културата за 5,3 отсто – во сите наведени случаи растот е побавен. отколку во октомври.

На месечна основа, британската инфлација падна за 0,2 отсто во однос на октомври, се наведува на веб-страницата ONS, пренесува Танјуг.

Годишната стапка на базичната инфлација во Британија во ноември падна на 5,1 отсто, што е најниско ниво од јануари 2022 година