Инфлацијата во јуни конечно едноцифрена, се намали на 9,3 отсто

Во октомври 2022 инфлацијата изнесуваше 19,8 отсто. Оттогаш се намалува секој месец. Владата предвидува инфлација од 2 отсто во 20024

07/07/2023 14:35

 

Годишната инфлација во јуни се спушти под десет отсто и по подолго време е едноцифрена. 

Како што соопштија од Министерството за финансии, повикувајќи се на податоците на Државниот завод за статистика, таа во јуни изнесуваше 9,3 отсто.

„Едноцифрена инфлација за јуни 2023 година. Охрабрувачки податоци за нивото на инфлацијата во земјата објави денеска Државниот завод за стаистистика. Таа се спушти на 9,3 % во јуни 2023 година, забележувајќи скоро 10 п.п. пад во однос на октомври 2022 година (19.8%)“, се вели во објавата на Фејсбук.
 
Ваквите податоци укажуваат дека борбата со инфлацијата и мерките што ги презема Владата го даваат очекуваното и инфлацијата од октомври 2022 година се движи во континуитет во надолна линија, посочи министерот за финансии Фатмир Бесими.
 
Еве како се движеше годишната инфлација по месеци:
 
Октомври 2022 година – 19,8%,
Ноември – 19,5%
Декември – 18,7 %
Јануари 2023 – 17,1 %
Февруари – 16,7 %
Март – 14,7 %
Aприл – 13 %
Мај – 11,3 %
Јуни – 9,3%.
 
„До крајот на годината очекуваме овој тренд да продолжи и да се одржи едоцифрено ниво на инфлацијата, а во наредната година веќе да биде околу 2 отсто“, вели Бесими.

Според податоците на Државниот завод за статистика, индексот на трошоците на животот во јуни 2023 година, во споредба со претходниот месец, изнесува 1 отсто, а индексот на цените на мало изнесува 0,7 отсто. Индексот на трошоците на животот во јуни 2023 година, во однос на јуни 2022 година, бележи зголемување од 9,3 отсто, а индексот на цените на мало бележи зголемување од 5,7 отсто.

Статистичарите измерија дека во јуни во однос на претходниот месец најмногу поскапело свежото и разладеното овошје за 13,2 отсто, свежиот и разладениот зеленчук, освен компирите и другите коренести плодови за 6,7 отсто, додека шеќерот, џемот, медот, чоколадата и кондиторските производи поскапеле за 2 отсто, виното за 0,8 отсто, сирењето и урдата за 0,7 отсто.

Поврзани содржини

Филипче најави можен недостиг од житарици, порача дека земјоделците се загрозени
Се намалува акцизата за горива, продолжува мерката за намалено ДДВ (ВИДЕО)
Преговорите за транспортерите се одвиваат добро, вели Николоски
„Фокус“: МПЦ ќе гради парк со фотоволтаици, а соработник на Орбан гасна централа
Пет министри за финансии на ЕУ бараат данок на неочекуваниот профит од енергетиката
Горивата во Македонија се меѓу најевтините, но возењето е најскапо
Зошто цената на американската ВТИ нафта се зголеми над цената на Брент за прв пат по четири години
Во САД, во март беа отворени 178.000 нови работни места, невработеноста се намали на 4,3 отсто

Најчитани