Го сврте Вучиќ, сега Шолц почнува да копа и во Германија: „Проект од највисок приоритет“

Германскиот канцелар Олаф Шолц во пресрет на последниот настап во предизборната кампања во Саксонскиот град Кемниц го посети блискиот Алтенберг и бомбастично најави дека Германија таму ќе го основа најголемиот рудник за литиум во Европа.

Ова не би било невообичаено доколку Шолц не потпишеше стратешки договор за експлоатација на литиум со Србија пред еден месец, земја во која еколошките организации и противниците на претседателот Александар Вучиќ остро се противат. Како што објави Handelsblatt, Србија планира да произведува 58 тони годишно на локацијата Јадар, што е доволно за напојување на 1,1 милион литиумски батерии во истиот период.

Сепак, тоа не е доволно за Германците. Тие сакаат да станат понезависни кога станува збор за суровините. Затоа плановите за започнување на ископ на литиум во Алтенберг, каде што се наоѓа второто по големина наоѓалиште на оваа руда во Европа, се во сериозна фаза.

Компанијата Zinnwald Lithium GmbH сака да го ископува металот во областа позната како Ерзгебирге (во слободен превод: Рударски планини) најдоцна до почетокот на 2030 година. Резервите се доволни за напојување на повеќе од 800.000 електрични автомобили, пишува локалниот медиум Saeschische.de.

А што ако почнат протести?
Иако експертите за рударство го фалат проектот, истакнувајќи дека со соодветно водство тој би можел да стане најнапредниот во Европа, тој исто така носи бројни предизвици. Тоа е едно од најгусто населените области во Централна Европа, а еколошките иницијативи веќе изразија силно противење на проектот. За да ги пресретне проблемите што ги има Вучиќ во Србија, Шолц веќе го прогласи овој проект за „проект со најголем приоритет“.

„Потребна ни е подготвеност да направиме нешто вакво во цела Европа, бидејќи проблемот не е само овде, туку во многу делови на Европа, материјалите што можеме да ги користиме, кои итно ни требаат во секое време“, рече Шолц во петокот за време на посетата на Алтенбег.

Во корист на Шолц е фактот што ЕУ пред неколку месеци донесе европски закон за критичните суровини, кој има за цел да бара 10 отсто од суровините во синџирите на снабдување да се произведуваат во ЕУ. Рударската компанија со седиште во Алтенберг пријави експлоатација на литиум во ЕУ како стратешки проект. Доколку добијат потврда, наместо петте години колку што вообичаено трае постапката, можат да влезат во брзо одобрување, во кое одобрувањето на проектот мора да заврши во рок од 27 месеци.

Планирани се инвестиции од над 500 милиони евра, а се очекува да се отворат најмалку 400 работни места, додека индиректно преку добавувачи компанијата очекува трипати повеќе. Во проектот треба да бидат вклучени и погоните за преработка на суров литиум во Беренштајн и Либенау, кои исто така сакаат да го обработуваат металот ископан во соседна Чешка.