Во Германија забележан првиот случај со новиот сој корона вирус

 

Германија го забележа првиот случај од новиот сој на корона вирусот откриен во Велика Британија откако патничка од Лондон била позитивна.

„Тоа е првиот познат случај од овој сој во Германија“, велат од Министерството за здравство на германската покраина Баден-Виртемберг.

Имено, парничката од Лондон допатувала на аеродромот во Франкфурс на 20 декември во посета на роднини. Веднаш по тестирањето на аеродромот таа е сместена во карантин, а ден подоцна почнала да покажува благи симптоми.

Потоа пак се тестирала, а тестот бил повторно позитивен, а примерок од тестот, пратен е во специјализирана лабораторија.

„Со понатамошни анализи е утврдено дека жената е позитивна на вирусната варијанта наречена B.1.1.7″, додаваат од министерството.

Германија во вторник ја продолжи забраната за доаѓање од Велика Британија до 6 јануари, а се поради појавата на новиот сој на вирусот за кој британските власти тврдат дека е позаразен од изворниот, пишува Баронс.

Освен во Германија, новиот сој на вирусот досега е забелажн и во Израел и во Северна Ирска.