Главниот уредник на руска „Новаја газета“, Дмитриј Муратов, нападнат во воз

08/04/2022 08:08

Непознат сторител го испрскал со црвена боја рускиот лауреат на Нобеловата награда за мир, Дмитриј Муратов, додека патувал со воз од Москва за Самара.

Либералниот руски весник „Новаја газета“ објави фотографии на својот главен уредник на која се гледа неговото лице, горниот дел од телото и рацете полиени со мрсна црвена боја.

Инцидентот се случил кога непознато лице влегло во купето за спиење каде се наоѓал Муратов, му рекло „Муратов, земи го ова за нашите момчиња“ и го испрскало со боја.

„Очите буквално ми горат“, рече Муратов.
Муратов веднаш на почетокот на руската агресија врз Украина објави видео во кое го осудува нападот врз Украина. Тој ден весникот беше печатен на руски и украински.

Полицијата започнала потрага по осомничените, јави руската агенција „Интерфакс“, цитирајќи го Министерството за внатрешни работи. Сообраќајната полиција организирала мерки за легитимирање и приведување на две лица.

Новинарите кои ја критикуваат власта во Кремљ постојано се цел на напади во Русија.

Поврзани содржини

Лабуристот Садик Кан по трет пат избран за градоначалник на Лондон
Русија распиша потерница по Зеленски
Благодатниот оган и на оваа Велика сабота се појави во храмот на Христовото Воскресение во Ерусалим
Украина има портпаролка генерирана од вештачка интелигенција
Берлин сака да ја подари вилата на Јозеф Гебелс
„Линија до пеколот“: Украина објави видео со збришани десетици руски тенкови во Донецк
Тежок ден за британскиот премиер Сунак по големите загуби на локалните избори
Гебрејесус ги повика земјите да го финализираат договорот за пандемии

Најчитани