Ѓоковиќ во септември ќе се искачи на второто место по број на недели поминати на врвот на АТП ранг листата

Англија– На 17-кратниот освојувач на Грен слем турнирите, Новак Ѓоковиќ му е гарантирано второто место на листата со најдолг стаж на врвот на светската ранг-листа.

Сега Србинот ја поминува 283-тата недела како број 1, а на 21 септември ќе го помине Пит Сампрас, кој беше прв рекет на светот 286 недели.

Ваквиот резултат на Ѓоковиќ му се обезбеди со поразот на Доминик Тим на Мастерсот во Њујорк. Австриецот дефинитивно нема да успее да стане број 1 се до моментот кога Ѓоковиќ ќе го престигне Сампрас.

За потсетување, рекордот му припаѓа на Роџер Федерер, кој беше прв на АТП листата 310 недели.

Ако Ѓоковиќ остане на лидерското место во континуитет до 8 март 2021 година, тој ќе го надмине и Федерер.