Ѓоковиќ со победа стартуваше на „Ролан Гарос“

Франција-  Првиот Грен слем натпревар на Новак Ѓоковиќ во последните 7 и пол месеци помина максимално добро.

Првиот носител Ѓоковиќ ја отвори одбраната на титулата на Отвореното првенство на Франција со победата со 6-3, 6-1, 6-0 за помалку од два часа над Јошихито Нишиока. Освои 18-0 за својата кариера во првото коло на Ролан Гарос.

Единствениот непријатен момент за Ѓоковиќ можеби беше кога некои гледачи го исвиркаа откако тој негодуваше по освојувањето на поени во вториот сет.

Натпреварот се играше со затворен покрив на теренот Филип Шатрие поради дожд.

Ѓоковиќ, кој наполни 35 години, се стреми кон третата титула во Париз и 21. Грен слем трофеј севкупно, што ќе го изедначи со Рафаел Надал за машки рекорд.

Тој немаше играно на некој голем турнир, освен оној во Рим, од поразот од Даниил Медведев во финалето на Отвореното првенство на САД минатиот септември, со што беше ставен крај на обидот на Ѓоковиќ да го заврши првиот календарски годишен Грен слем за тенисер од 1969 година.

Ѓоковиќ не можеше да се натпреварува на Австралија опен овој јануари бидејќи одлучи да не се вакцинира против Ковид-19. Нема потреба од вакцина за Отвореното првенство на Франција. (АП)