Ѓоковиќ ја освои својата прва титула во 2022 година


Новак Ѓоковиќ, најдобриот тенисер на планетата, го совлада Стефанос Цитаипас во финалето на турнирот во Рим со резултат 2:0 во сетови, 6:0, 7:6.
Од самиот почеток на мечот Ѓоковиќ беше буквално немилосрден и не дозволи Циципас практично да се загрее како што треба, а резултатот веќе беше 2:0. Во третиот гем, повторно на сервис на Циципас, Ѓоковиќ одигра одлично и стигна до вториот брејк, потоа четвртиот гем го потврди, а кога третата брејк топка ја претвори во 5:0 немаше дилема дали ќе успее да поведе со 1:0.

Вториот сет беше сосема спротивен, бидејќи Ѓоковиќ западна во криза по 1:1, па Циципас ја искористи брејк топката во четвртиот гем за 3:1. Имаше уште еден во шестата за 5:1, но Ѓоковиќ со перфектна паралела успеа да се одбрани, а потоа го доби вториот гем во сетот (4:2), а од 5:2 влезе во серија на гејмови, направи брејк за 5:4, израмни, а во тај-брејкот првата меч топка со резултат 6:5 ја претвори во 2:0 и стигна до 38. титула на Мастерс во кариерата.

Новак со оваа титула не само што останува прв на ВТА листата, туку стана и најстариот играч кој ја освоил титулата во Рим. За Новак ова беше шеста титула во „вечниот град“, а воедно негова прва титула во 2022 година.