Ѓоковиќ елиминиран во Индијан Велс од Нарди, 123. на АТП листата

Светскиот рекет број еден Новак Ѓоковиќ не успеа да се пласира во четвртото коло на турнирот во Индијан Велс (САД).

Србинот ноќеска во третото коло загуби од Италијанецот Лука Нарди во три сета – 4:6, 6:3, 3:6.

Противник на Нарди кој е 123 на светското рангирање, во четвртото коло на турнирот ќе биде Американецот Томи Пол.

Наградниот фонд на турнирот изнесува 9,2 милиони долари.