Германскиот ракетен лансер МАРС II стигна во Украина

Украинскиот министер за одбрана Олексиј Резников изјави дека во земјата пристигнал ракетен систем за повеќекратно лансирање МАРС II, дониран од Германија.

„Третиот брат од семејството Long Hand – MLRS MARS II од Германија – пристигна во Украина“, напиша Резников на Твитер во понеделникот. „Благодарам на Германија и лично на мојата колешка #министер за одбрана Кристин Ламбрехт за овие системи. Нашите артилерици ги поздравуваат нашите германски партнери!“

МАРС II е германска надградба на M270 MЛРС што се користи од американската војска. Има дострел сличен на оној на системот ХИМАРС дониран од САД на Украина, заедно со поголем ракетен капацитет (12 ракети наместо шест), но малку помала способност за маневрирање.

Германија рече дека ќе донира три од овие системи, но не е јасно колку од нив се предадени на украинските сили.