Германски пекар продава „инфлациски леб“, веднаш се распродава
Во германска пекара може да се купи „инфлациски леб“, направен од едноставни состојки, а купувачите го сакаат
Пекар од германскиот град Киртен направил „инфлациски леб“, кој на своите клиенти им го нуди по симболична цена од 2,50 евра за 750 грама.
„Ова е леб без многу состојки“, објаснува пекарот. „Нема ништо скапо во тоа. Во „инфлацискиот леб“, пекарот додава пченка за вкус, а главната состојка е пченичното брашно.
Тој дошол на идеја за да направи нешто против зголемувањето на цените што стигнало и до неговата пекара поради зголемените трошоци за суровини и енергија, пишува магазинот „Феникс“.
„И моите клиенти и јас се бориме со растечките цени“, вели тој. Затоа во асортиманот на производи воведов ‘инфлациски леб’. Клиентите со задоволство го купуваат и брзо го снемува од полиците“, вели тој.
Во Германија за 15 отсто поскапеле лебот и другите пекарски производи. Цената на килограм леб сега чини од осум до десет евра. Лебот што се продава во пекарите е малку поскап, додека цените на лебот во супермаркетите во Германија се нешто пониски.
Пред инфлацијата, жителите почесто купувале леб во пекари, но сега повеќе сакаат да го купуваат во супермаркет.
Пекарската индустрија во Германија е силно погодена од енергетската криза, како и од растот на цените на суровините, а дополнителен проблем создава и големиот недостиг на работна сила во овој сектор.