Германија го слави обединувањето
На Денот на единството во понеделник ќе се одбележат 32 години од обединувањето на Источна и Западна Германија по падот на Берлинскиот ѕид. Оваа година, тридневен фестивал во градот Ерфурт се одржува во сенка на војната во Украина и енергетската криза.
Во тек е тридневната прослава „Денот на единството“ која започна во саботата во Ерфурт, за да се одбележи повторното обединување на истокот и западот на земјата во октомври 1990 година.
Источната покраина Тирингија која претседава со Бундестагот, горниот парламентарен дом на Германија, ги организира овогодинешните свечености под мотото „Растеме заедно“.
Премиерот на покраината Тирингија, Бодо Рамелоу, официјално ја отвори постапката во саботата со откривање на редизајнираното лого на Денот на германското единство на плоштадот на катедралата во градот.
Diese tollen Aufnahmen unserer Fotografen vom gestrigen Aufbau und der heutigen Eröffnung vom #tde2022erfurt durch Ministerpräsident Bodo Ramelow und Oberbürgermeister Andreas Bausewein finden Sie auf: https://t.co/8cxxj0IhMf pic.twitter.com/cmh1qLcaHV
— Tag der Deutschen Einheit 2022 in Erfurt (@tde2022erfurt) October 1, 2022
Рамелоу пред публиката изјави дека и покрај тековната војна во Украина и енергетската криза, сепак е важно да се одбележи Денот на германското единство.
„Мислам дека во вакви времиња треба да можеме да славиме“, рече тој.
На прославата предвидени се десетици културно забавни настани. Сепак, планираниот концерт на Киевскиот симфониски оркестар од Украина беше откажан поради лошите временски услови.
Во понеделник се очекува стотици гости да присуствуваат на екуменската служба и на церемонијата во Ерфурт, а претседателот Франк-Валтер Штајнмаер ќе одржи говор.
Иако Берлинскиот ѕид падна на 9 ноември 1989 година, означувајќи го почетокот на крајот на комунизмот во Централна и Источна Европа, беа потребни уште 11 месеци за формално да се случи повторно обединување на Германија.
На 3 октомври 1990 година, Источна Германија или Германската Демократска Република (ГДР) престана да постои и пет новосоздадени држави на нејзината поранешна територија се приклучија на Сојузна Република Германија (Западна Германија).
Источен и Западен Берлин повторно беше обединет и стана главен град на обединета Германија.