Генерал-мајор Ерменц, началник на ГШ на Словенија во посета на Армијата


Делегација на војската на Република Словенија, предводена од началникот на Генералштабот, генерал-мајор Аленка Ерменц, е во официјална посета на Генералштабот на Армијата на Северна Македонија.

За време на посетата денеска во Генералштабот, генерал-мајор Ерменц ќе има средба со својот домаќин, началникот на Генералштабот, генерал-потполковник Васко Ѓурчиновски, а ќе биде примена и од министерката за одбрана, Радмила Шекеринска.

Во рамки на посетата, соопшти ГП на Армијата, словенечката воена делегација по официјалниот состанок во Генералштабот ќе посети дел од декларираните единици од баталјонот на воена полиција во касарната Илинден.