Фридрих Мерц: „Пет до полноќ“ е за Европа

Идниот германски канцелар, Фридрих Мерц, на денешната прес-конференција изјави дека каков било договор за Украина постигнат без Украина би бил „неприфатлив“ и за Украина и за Европа.

Тој рече дека НАТО „продолжува да функционира добро“, пофалувајќи ја директната врска на генералниот секретар на НАТО Марк Руте со Доналд Трамп. Мерц, исто така, ја пофали Велика Британија за „повторно приближување кон европскиот континент, така да се каже“ со преземање активна улога во алијансата.

„Внимателно сум уверен дека ќе успееме“ со напредокот на европскиот столб на НАТО, вели тој.

Тој, исто така, ја нагласи својата поддршка за военото присуство на НАТО во централна и источна Европа и „особено“ на Балтикот.

Околу Трамп тој даде многу дипломатски одговор, велејќи дека Европејците „имаат голем интерес да одржуваат добри односи со Америка“ и „сѐуште се гледаат себеси како партнери“.

Мерц рече дека тој и Трамп имале „исто разбирање за отвореното општество, слободата, демократијата и пазарната економија“ и се надева дека тоа ќе продолжи.

Тој ја повтори репликата од претходната ноќ дека „сите сигнали што ги добиваме од САД укажуваат дека интересот за Европа очигледно опаѓа, а подготвеноста да се вклучат во Европа се намалува“.

Според Мерц, „Америка на прво место“ не мора да значи „Америка сама“, предупредувајќи дека ако односите ЕУ-САД се влошат, „тоа нема да биде само на штета на Европа, туку ќе биде и на штета на Америка“.

Притиснат од новинарите дополнително на европската политика и одговорот на континентот на новата американска администрација и руската инвазија на Украина, Мерц зборуваше за неговиот однос со францускиот претседател Емануел Макрон и британскиот премиер Кир Стармер. Тој го спомена и полскиот премиер Доналд Туск како „важен партнер во овие стратешки прашања за нашите одбранбени способности“.

Мерц рече дека клучната порака „мора да биде многу јасна: Европа е обединета“, бидејќи има нов моментум за одговор на предизвикот, предупредувајќи дека е сè поитно бидејќи е „пет до полноќ“ за Европа.

Тој наведе три главни прашања што ги гледа како приоритети за неговата влада.

Прво, надворешната и безбедносната политика, бидејќи „особено по изјавите [што ги слушнавме] од Вашингтон минатата недела, јасно е дека ние Европејците мора да бидеме способни да дејствуваме многу брзо“.

Ова прашање ќе има „има апсолутен приоритет во наредните недели“.

Второ, тој зборуваше за миграцијата, со „предлози на маса“, изразувајќи надеж дека СПД ќе работи со него на ова прашање.

Трето, економската ситуација во земјата. Мерци инсистираше дека „мора да ги зачуваме индустриските работни места во Германија“.

Според него, резултатот на АфД е „последниот предупредувачки сигнал до политичките партии од демократскиот центар во Германија да најдат заеднички јазик“.

Тој се надева на „конструктивни, добри и брзи“ разговори со СПД, со намера до Велигден (20 април) да се формира новата влада.