Франс Тимерманс ја критикува холандската влада

ЕУ ќе пропадне ако продолжи да преовладува националниот само-интерес, напиша првиот потпретседател на Европската комисијата Франс Тимерманс денес во колумна за холандскиот весник „Де Волкскрант“.

Тимерманс, кој е претставник на Холандија во Комисијата, предупреди дека „повлекувањето во национална самоправедност и взаемно покажување прсти“ нема да реши ништо и само „им докажува на многумина на немоќта на денешните политички лидери и системите со кои работат“.

„Ми се чини очигледно дека ЕУ, како што ја знаеме, нема да го преживее ова“, додаде тој.

Тимерманс рече дека има потреба од нови алатки на ниво на ЕУ за да се ублажат трошоците што се вклучени во управувањето со појавата и да се стимулира економското закрепнување. Во имплицитна критика на спротивставувањето на Холандија на таканаречените корона обврзници – предлог за да се соберат долговите направени од земјите-членки најлошо погодени од вирусот – Тимерманс рече дека „вкупната цена (за финансирање на кризата) би била многу пониска доколку ова се прави колективно отколку ако државите членки работат сами“.

„Ефектите од кризата не се симетрични, затоа што не се погодени сите подеднакво силно и не секој има подеднакво силна основа да се врати“, додаде Тимерманс.

„Секој сега треба да ја цени потребата за солидарност – солидарност што не надминува помошта за решавање на непосредната медицинска потреба“, рече тој, осврнувајќи се на предлогот на Холандија за трансфер на еднократен подарок од 10-20 милијарди евра на земјите најмногу погодени од епидемијата на корона вирусот.