Француската компанија „Валнева“ почнува со клинички испитувања на својата вакцина против Ковид-19

Француската фармацевтска компанија „Валнева“ ќе ги започне првите клинички испитувања на нејзиниот кандидат за вакцината против Ковид-19 на четири локации во Англија.

Во испитувањата од првата и втората фаза, учествуваат 150 волонтери од Бристол, Бирмингем, Саутемптон и Њукасл, што треба да покаже дали вакцината е безбедна и дали произведува имунолошки одговор.

Доколку бидат успешни, предвидени се нови тестирања за април 2021 година, со повеќе од 4.000 волонтери во Велика Британија кои ќе примат две дози, а евентуалната вакцина може да биде достапна до крајот на следната година.