Француската економија забележа најголем пораст во последниве 52 години
Францускиот БДП се зголеми за 7% минатата година, најсилна годишна експанзија од 1969 година
Франција го забележа својот најсилен раст во повеќе од 50 години, бидејќи економијата закрепна од економскиот шок од пандемијата.
Францускиот БДП се зголеми за 7% минатата година, покажуваат штотуку објавените податоци – најсилната годишна експанзија од 1969 година, бидејќи економијата покажа отпорност наспроти нарушувањето на синџирот на снабдување.
Обва следи по контракција од 8% во 2020 година, бидејќи заклучувањата и ограничувањата за борба против Ковид-19 ја доведоа економијата во длабока рецесија.
Најсилниот бум во една генерација е зајакнувањето на економските акредитиви на Емануел Макрон, пред претседателските избори во април, на кои се очекува тој да се кандидира за втор мандат.
Економијата на Франција порасна за 0,7% во последниот квартал, побрзо од очекуваното, но побавно од растот од 3,1% во јули-септември, бидејќи последниот бран на инфекции ја погоди Европа минатата есен.
Потрошувачите помогнаа во закрепнувањето, при што трошоците на домаќинствата се зголемија за 0,4% во кварталот по олабавувањето на ограничувањата претходно во 2021 година.
Францускиот министер за финансии Бруно ле Мер ги поздрави бројките за раст. Ле Мер изјави за телевизијата Франс 2:
„Француската економија закрепна спектакуларно и тоа ја избриша економската криза. Сè уште има некои сектори кои имаат проблеми, како туризмот и хотелите, но повеќето закрепнуваат многу силно и тоа создава работни места“.