Франција не предвидува прекин во снабдувањето со руски гас поради плаќањето во рубли

Барањето на Москва за плаќање на нејзиниот гас во рубли не треба да предизвика прекин во испораките, изјави денеска француската министерка за еколошка транзиција Барбара Помпили, јави дописникот на МИА од Париз.

– Информациите што ги добивме од Москва во последните денови и часови имаат тенденција да нè наведат да веруваме дека компаниите ќе можат да продолжат да плаќаат во евра на банките кои самите ќе треба да ги претворат своите евра во рубли, а особено на Гаспром банката, рече таа, одговарајќи на прашања пред Комисијата за економски прашања на Националното собрание на Франција.

Помпили рече дека од моментот кога компаниите плаќаат во евра, договорите се почитуваат и затоа тоа не менува многу за компаниите. „Така што во оваа фаза немаме ризик од прекршување на овие договори доколку ова решение е имплементираното решение. И затоа а приори нема прекин што би можел да се иницира од увозот на руски гас“, додаде таа.

Според неас, „оваа исплата во рубли е мерка за поддршка на рубљата пред сè, но тоа всушност не е одмаздничка мерка во однос на европските компании“.

„Тоа не не спречи да работиме за да бидеме се помалку и помалку зависни од увозот на руски гас“, рече Помпили.  

Европејците одбиваат какво било плаќање во рубли што го бара Москва.

„Од наша гледна точка, наметнувањето плаќање во рубли би претставувало прекршување на повеќето договори: договорите потпишани од француските компании, особено со Гаспром, се деноминирани во евра и затоа компаниите се легитимни да одбијат промена на валутата. Руската централна банка може да го поправи девизниот курс што го сака, што би претставувало еднострано фиксирање на цените на гасот и би се состоело во пренасочување на санкциите, што очигледно не е прифатливо“, рече француската министерка за еколошка транзиција.