(Фото) Авион од Лондон полета со четири скршени стакла, два немаа стакло

 Авион на Ербас А321 полетал од лондонскиот аеродром „Стенстед“ минатиот месец со оштетени два прозорци, додека другите два се водат за исчезнати, според британските истражители на воздушни несреќи.

Девет патници и 11 членови на екипажот се наоѓале во авионот кој летал за меѓународниот аеродром „Орландо“ во Флорида на 4 октомври, со штета предизвикана од осветлувањето користено за време на снимање филм претходниот ден, а била откриена по полетувањето.

Авионот достигна височина од најмалку 14.000 стапки (околу 4.270 метри) пред да сврти, се вели во специјалниот извештај на британската филијала за истраги за воздушни несреќи (AAIB).

Авионот безбедно слетал на аеродромот „Станстед“ набргу потоа.

„Бучата беше доволно силна за да го оштети слухот“

Извештајот објавен на 4 ноември го детализира инцидентот, истакнувајќи дека тој можел да резултира со „посериозни последици доколку интегритетот на прозорецот бил изгубен при поголеми разлики во воздушниот притисок“.

Патниците забележале дека авионот е „побучен и постуден од вообичаено“ по полетувањето на аеродромот „Стенстед“. Додека авионот се искачувал, членот на екипажот исто така забележал „зголемена бучава во кабината“ и отишол до задниот дел на авионот каде што дихтунгот „леташе со протокот на воздух“.

Тој вели дека бучавата во кабината била доволно силна за да му го оштети слухот, па ги известил кабината и пилотот.

Иако немаше „ненормални индикации“, екипажот одлучи да го прекине искачувањето на авионот на 14.000 стапки и да ја намали брзината додека инженерот и копилотот го прегледуваа прозорецот.

„По проверка на прозорецот, беше договорено леталото да се врати во Станстед“, се вели во извештајот. Екипажот во кабината им кажа на патниците да останат седат и да ги врзат безбедносните појаси и ги потсети да користат маски за кислород доколку е потребно.

Целосниот обем на штетата на авионот не беше откриен додека не се врати на земја.

„Недостасуваа два прозорци, два се искршени“

Летачкиот екипаж го започна спуштањето и авионот се врати на аеродромот „Стенстед“. Вкупното време на летот беше 36 минути, се вели во извештајот.

Откако патниците се симнале, екипажот го прегледал леталото однадвор и открил дека недостасуваат две од прозорските стакла на кабината, а третото било поместено.

Скршеното надворешно стакло подоцна беше пронајдено за време на рутинска проверка на пистата, додека четвртиот прозорец беше откриен „испакнат од левата страна на трупот“.

„Четирите погодени прозорци беа еден до друг, веднаш зад левиот накривен излез“, се додава во извештајот.

Прозорците биле оштетени поради високи температури

 Од ААИБ објаснуваат дека авионот бил користен за снимање еден ден претходно и дека прозорците можеби „претрпеле термички оштетувања“ поради зголемените температури.

„Сопствениците и операторите на авионите треба да ја разгледаат опасноста од таквите активности за да го минимизираат ризикот од оштетување на авионите“, се додава во извештајот.