Филипче жали што уште еден медицински работник ја изгуби битката со Ковид-19

Фото: Б. Грданоски

Министерот за здравство Венко Филипче на својот фејсбук профил изрази жалење за починатата медицинска сестра од болницата во Охрид, која ја загуби битката со Ковид-19.

-Со жалење ја примив веста, дека уште еден медицински работник ја изгуби битката со ковид-19, медицинска сестра од болницата во Охрид. Изразувам длабоко сочувство до семејството и колегите во болницата, напиша министерот.

Тој додава дека медицинските работници се на првата линија во битката со вирусот, ставајќи го сопственото здравје и живот, здравјето и животот на своите семејства во голем ризик.

– Да дадеме поддршка и да оддадеме почит кон нивната работа. Да ги почитуваме мерките за заштита бидејќи така се штитиме и себе и здравствените работници, порачува Филипче.

Со жалење ја примив веста, дека уште еден медицински работник ја изгуби битката со ковид-19, медицинска сестра од…

Posted by Венко Филипче on Сабота, 26 септември 2020