Филипче: Набавени најсовремени апарати за Урологија, грижата за пациентите продолжува

Министерството за здравство соопшти дека се набавени најсофистицирани и најсовремени апарати за хируршки зафати врз пациенти на Универзитетската клиника за урологија.

Со помош на оваа најиновативна опрема, заедно со стручноста и експертизата на здравствените работници, Клиниката за урологија го обезбедува третманот со најдобри резултати на пациентите кои имаат потреба од лекување тука.

Станува збор за CR рендген, лапараскопски стол и ласер Тулиум, кои се всушност последниот крик во медицината во областа на хирургијата, а веќе составен дел од операционите сали на Клиниката за урологија, информираат од Министерството.

– Нашата грижа за пациентите продолжува. Пациентите заслужуваат здравствен систем по европски терк и наша цел е во целост да го спроведеме тоа, истакна министерот Филипче на неформалната средба.