Филипче: Можно е да предложиме мерки за границите

Министерот за здравство, Венко Филипче на денешната прес конференција рече дека следните денови Комисијата за заштита од заразни болести ќе ја следи состојбата со развој на инфекцијата со Ковид-19 во Србија и Косово и ако се оцени дека има потреба ќе се разгледа можноста за воведување на одредени мерки за границите.

„Можно е да предложиме некои мерки, во случај да процениме дека ризикот од влегувањето на граѓаните на овие земји во нашата земја може да го загрози нашиот систем“, рече Филипче.