Филипче: Индивидуалната одговорност е важна во борбата со вирусот

Комуникација без почитување на превентивните мерки по затворање на угостителските објекти, што најмногу го прават младите, се еден голем трансмитер на вирусот, смета министерот за здравство Венко Филипче, додека д-р Драган Даниловски заговара кракотрајно затворање, за да се намали брзината на зголемување на случаите на зараза.

– Имаме балансиран систем на рестрикција во кој е исклучително важна индивидуалната одговорност. Сметам дека следниот период до почеток на следната недела имаме простор да ги евалуираме резултатите од сегашниот полициски час, изјави министерот за здравство Венко Филипче.

Министерот, во гостувањето на емисијата 24 Анализа, рече дека сепак не ја исклучуваат можноста за карантин и дека тоа веќе го најавиле пред два дена.

-Сметаме дека младите луѓе, и тоа го гледаме од епидемиолошките слики, кои што продолжуваат со комуникација без почитување на превентивните мерки по затворање на угостителските објекти се еден голем трансмитер на вирусот, изјави Филипче.

– Не е точно дека системот некогаш бил загрозен, нагласи Филипче, посочувајќи дека се обзбедени доволно капацитети и дека се прават соодветни прераспределби.

Во однос на патувањата на владините функционери Љупчо Николовски и Драги Рашковски, министерот Филипче, рече дека во рамки на тоа што се ингеренции на Министерството за здравство, буквално секој случај од почетокот на кризата по соодветните анализи и уврдување на фактичката состојба, доколку треба или не, санкциониран.

– Индивидуалната одговорност е исклучително битна. Нашиот систем е така конструиран, изјави Филипче.

Министерот рече дека многу е важно да во делот на вакцинирањето како стратегија да се обрне внимание на приоритетната група. Тоа се здравствените работници и ќе бидат сите покриени и ќе бидеме една од ретките земји во регионот и Европа каде сите здравствените работници кои работат со ковид се имунизирани. 

– Интересот е 80% кај здравствените работници. 20% не се јавуваат од закажаните на вакцинација – рече Филипче.

Во врска со антителата, министерот рече дека сме во ситуација каде бројни испитувања точно да се утврди како и на кој начин ќе се вакцинираат луѓето кои прележале ковид, дали со една доза.

– Она што следи во некој период, не се само антителата доказ дека имаме заштита од вирусот. Тие ќе се изгубат во еден момент и ќе остане мемориски имунитет на имуните клетки кои во прв контакт со клетките со вирусот повторно креираат антитела – вели Филипче.

Според епидемиологот Драган Даниловски, ако навистина се заканува претрупување на болничкиот систем што ќе ја компромитира здравствената услуга генерално земена, смета дека е упатно да се направи краткотрајно затворање за да се намали брзината на зголемување на бројките, за да стивне ситемот.