„Филијалите“ на ВМРО се будат, почнуваат кампања против пописот

Вкупно 18 организации од земјата подржани и од македонски организации од Канада, Америка, Австралија и Европа утре во  хотелот „Континетал“ ќе потпишат Повелба за стратешка соработка против фалсификување на пописот и негово одложување поради Ковид – 19. 

Според најавата, целта на овој, како што се нарекува, национален блок е да  води кампања против пописот. Паролата под која ќе го пропагираат бојкотот, што патем е незаконски и казниво, е „Не отворам врата. Не учествувам во нелегитимен попис!“. 

Во најавата не стои кои организации и структури стојат зад кампањата за бојкот, но  со оглед на тоа дека кампањата наликува во голема мерка на таа против референдумот, веројатно тоа се истите тврдокорни структури блиски до ВМРО-ДПМНЕ кои само се препакуваат.