Ферстапен супериорно триумфираше на Големата награда на Монако

Актуелниот светски првак Макс Ферстапен во доминантен стил триумфираше на денешната трка во Формула 1 која по дождливо време се возеше низ улиците во Монако.

Ферстапен ја стартуваше трката за Големата награда на Монако од пол позицијата и постојано беше во водство, минувајќи прв низ целта пред Фернандо Алонсо од Астон Мартин.

На подиумот како третопласиран се искачи и возачот на Алпин, Естебан Окон.

Во генералниот пласман води Ферстапен со 144 бодови пред Серхио Перез (105) и Алонсо (93).

Следната трка во календарот на Ф1 е за Големата награда на Барселона.