Фејсбук: Рекламите против вакцинацијата ќе бидат отстранети

САД – Фејсбук соопшти дека воведува нови правила според кои рекламите против вакцинацијата ќе бидат отстранети.

Претходно, компанијата имаше политика против измама со вакцини, кои беа јавно идентификувани од глобалните здравствени организации.

„Ако рекламата има за цел да ги одврати потрошувачите од вакцината, ние ќе ја одбиеме“, наведоа Канг-Син Џин, главниот здравствен директор на компанијата и Роб Корен, директор за управување со производи, во објава на блог.

Новата забрана доаѓа во време на низа измени во политиката на компанијата за ослободување на социјалните мрежи од проблематична содржина.

Овие вклучуваат забрана за негирање на холокауст објавена претходно оваа недела, забрана за теории на заговор и групи минатата недела, привремена забрана за политичко рекламирање пред изборите на 3 ноември во САД.