Фаучи ги нарече „бизарни“ обидите на Белата куќа да го дискредитира

САД – Американскиот експерт за заразни болести Ентони Фаучи ги опиша обидите на администрацијата на претседателот Доналд Трамп да го дискредитираат како бизарни и бесмислени.

Фаучи оцени дека тоа „му штети на претседателот“ и во интервју за магазинот „Атлантик“, тој истакна дека фактот дека тој бил цел на критики е „целосно погрешен“.

„Дури и во моите најлуди соништа, не можам да разберам зошто го прават тоа“, рече Фаучи.

Список на изјави на Фаучи, за кои сметаат дека се проблематични, неодамна излегоа од американската администрација. Меѓу нив се променливите препораки на Фаучи за носење маски и предупредувања дека состојбата во САД со коронавирусот е сериозна.

Во документот се вели дека „неколку официјални претставници на Белата куќа се загрижени за тоа колку пати Фаучи згрешил“.

Трамп изјави за „Фокс њуз“ минатата недела дека Фаучи направи многу грешки во врска со коронавирусот.