Фабриката на „Тесла“ во Берлин го обнови производството по саботажата

Фабриката на „Тесла“ во близина на Берлин може повторно да работи од понеделник навечер. Фабриката и нејзината околина минатата недела останаа без струја поради пожар што избувна под далновод на отворено поле.

Поправката беше завршена многу побрзо од очекуваното. „Тесла“ пресмета дека нема да можат да го обноват производството пред крајот на неделата.

Пожарот го подметнале засега непознати сторители, а полицијата се уште истражува кој. Одговорноста за нападот ја презеде екстремната левичарска група Вулкан (Vulkangruppe).

Нападот на далноводот отвори дебата во Германија за заштита на виталната инфраструктура.

Производителот на електрични автомобили „Тесла“ ја процени штетата поради прекинот во единствената европска фабрика на неколку стотици милиони евра.