Ф1: Пјастри ја освои ГН на Холандија

Австралиецот Оскар Пјастри во болидот на Мекларен победи на Големата награда на Холандија која денеска се одржа на патеката во Зандворт.

Ова беше седма победа на Пјастри оваа сезона и деветта во неговата кариера.

Тимскиот колега на Пјастри и конкурент за титулата, Ландо Норис, се откажа во 65-от круг поради технички проблеми.

Холанѓанецот Макс Верстапен во Ред Бул беше втор, додека Французинот Исак Хаџар во Рејсинг Булс-Хонда го освои третото место, обезбедувајќи го својот прв подиум во кариерата.

На девет трки до крајот, Пјастри ја зголеми својата предност во генералниот пласман и сега води со 309 поени, 34 повеќе од Норис, додека Верстапен е трет со 205 бодови.

Мекларен води во пласманот на конструктори со 584 бодови, пред Ферари (260) и Мерцедес (248).

Трката во Зандворт беше 15 оваа сезона во Формула 1, а следната на програмата е идниот викенд за Големата награда на Италија во Монца.