Европското првенство во фудбал се одложува за декември?

Европската фудбалска федерација ќе ја разгледа опцијата за одложување на Европското првенство од јули во декември, пренесе „Телеграф“.

Трансферот на турнирот ќе овозможи националните првенства да завршат во текот на летото, затоа што сега сезоните во најдобрите пет европски лиги се прекинати поради корона вирусот.

Радикалните предлози, како што е одложување на еврото во декември, ќе бидат дискутирани на состанокот на УЕФА во вторник.

Исто така, постои и опција да се одложи турнирот за една година. Евро 2020 треба да се одржи од 12 јуни до 12 јули во 12 града ширум континентот.