Европски стил: Едноставната Урсула фон дер Лајен

Новата претседателка на Европската комисија, Урсула фон дер Лајен (60) е младолика, симпатична, со вита става и е модно освежување во „здодевниот и униформиран“ Брисел.

Стилско олицетворение на Европа, едноставна, но комплицирана за разбирање, лишена од премногу модни детали, удобноста и практичноста го следи сепак сериозниот дрес-код на претседател на ЕК.

Најчесто избира пантолони со впечатли ремен, омилени и се кошулите со сакоа во разни бои. Косата и е кратка и секогаш исфенирана, накитот дискретен, шминката дискретна но впечатлива и сака кратки чизмички-чевли.

Времето ќе покаже дали како Меркел ги менува сакоата, односно боите, зависно од средбата и од видот на разговорот.

Како и германската канцеларка, не го пропушта оперскиот фестивал на Вагнер во баварскиот град Бајројт, во друштво на сопругот. Тогаш се истакнува со екстравагантноста на тоалетите.

Во политиката е од 1990 година, а германските медиуми ја опишуваат како блиска и „секогаш лојална“ на канцеларката Ангела Меркел.

Фон дер Лајен е родена во Брисел. Нејзиниот татко своевремено бил премиер на Долна Саксонија, а Урсула фон дер Лајен во 2003 година станува министерка за социјални прашања на таа германска сојузна држава. Влегува во претседателството на ЦДУ во 2004 година, а во 2010 година е именувана за заменик претседателка на партијата на Меркел.

Таа важеше и за наследничка на Ангела Меркел како лидер на ЦДУ, а пред ненадејниот влез во трката за функцијата претседател на ЕК се споменуваше и како наследничка на генералниот секретар на НАТО, Јенс Столтенберг.

Урсула фон дер Лајен се наоѓа во кабинетот на Меркел од 2005 година и тоа прво како федерална министерка за семејство, потоа за труд и социјални прашања, а во 2013 година доаѓа на местото министер за одбрана на Германија и станува прва жена на таа функција.

Таа е политичарка со богато искуство, а со доаѓањето на чело на Европската комисија всушност се враќа во седиштето на ЕУ.

Од 1977 до 1980 година студирала економија на угледниот London School of Economics. Во Лондон, поради страв од терористите на Фракцијата на Црвената Армија (РАФ), кои во тоа време им се заканувале на германските политичари и членови на нивните семејства, таа студирала под лажно име Роуз Ладсон.

По враќањето во Германија студирала медицина, а докторирала и специјализирала гинекологија.

Поради нејзиното добро познавање на сите три главни европски јазици и искуството во НАТО, аналитичарите ја сметаат за вистинска личност на функцијата претседател на Европската комисија.

Урсула фон дер Лајен е мажена и има седум деца.

Л. Сабит