Евроазиската економска унија и Иран потпишаа договор за слободна трговија
Членките на Евроазиската економска унија потпишаа договор за слободна трговија со Иран, соопшти руското Министерство за економија, пренесе БТА.
Договорот ќе го замени сличниот договор кој беше привремен и беше во сила од 2019 година. Новиот договор ќе биде постојан.
Претходниот договор ја олесни меѓусебната трговија со Иран и ја зголеми на 6,2 милијарди долари во 2022 година, од 2,4 милијарди долари во 2019 година. Новиот договор ќе ги елиминира царините за речиси 90 отсто од стоките и ќе воспостави преференцијален третман за речиси целата трговија меѓу Русија и Иран.
Според рускиот министер за економија, договорот ќе им овозможи на руските бизниси да заштедат околу 27 милијарди рубљи годишно.
Евроазиската економска унија ги вклучува Ерменија, Белорусија, Казахстан, Киргистан и Русија.