ЕВРО 2020: Унгарија освои бод против фаворитот Франција


Унгарија– Нерешено 1:1 заврши првиот натпревар од деветтиот натпреварувачки ден на Европското фудбалско првенство. Попладнево во Будимпешта, Унгарија се избори за реми против големиот фаворит за највисок пласман, репрезентацијата на Франција.

Повеќе од 60 илјади навивачи на „Пушкаш Арена“ во Будимпешта го поздравија водството на Унгарците преку Атила Фиола. Изедначи Антоан Гризман во 66. минута.

Со средбата Германија – Португалија од 18 часот во Минхен, ќе биде комплетирано второто коло во Ф-групата.