Еве ја новата табела за царините на Трамп: Кина нагоре, Македонија и другите на „пауза“

Американскиот претседател Доналд Трамп рече дека ќе паузира со воведување повисоки царини за многу земји затоа што луѓето „малку се разочараа“.

„Па, мислам дека луѓето малку претераа“, им рече Трамп на новинарите во Белата куќа.

„Тие се исплашија, знаете, тие малку се исплашија, малку се плашеа, за разлика од овие шампиони, затоа што имаме голема работа да завршиме“, рече претседателот додека стоеше со шампионите во автомобилски трки.

„Ниту еден друг претседател не би го направил тоа што го направив јас. Ниту еден друг претседател“, рече тој. „И мораше да се направи“.

Трамп подоцна рече: „Морате да имате флексибилност“ во политиката.

Политичката операција на Трамп ја засили објавата на Truth Social што претседателот ја испрати само неколку часа пред да ги суспендира повеќето царини, во кои тој изјави дека е „одлично време за купување“.

„Дали ‘паниканците’ го прифатија советот на @POTUS ова утро?“, напиша Воената соба на Трамп на Икс веднаш по објавувањето на тарифната пауза.

Голем број акции на мало пораснаа по промената на тарифната политика на Трамп.

Некои од најголемите добитници имаат значителен дел од нивните производи во Виетнам. Увозот од земјата сега ќе се соочи со царина од 10 проценти за 90 дена, наспроти 46 проценти што ги предложи Трамп.

Во групата земји кои ќе „профитираат“, од новата одлука на претседателот Трамп е и Македонија. 

Еве како изгледа новата листа на земји со „паузираните“ царински стапки и основната царина која сепак, ќе се пресметува на целокупниот увоз во САД:

Како што е познато, нашата земја се најде меѓу државите на кои им беа наметнати таканаречени реципрочни царини, а царинската стапка за Македонија изнесуваше 33 отсто. Ваквиот потег наиде на големо изненадување меѓу економистите кај нас, бидејќи сите тие беа уверени дека Македонија во размената со САД има дефицит, како што покажувата податоците на Државниот завод за статтистика, а не суфицит, како што покажуваат американските податоци.

Токму врз тие параметри САД „измерија“ царинска стапка за увоз на македонси производи. 

Според податоците од Царинската управа Македонија во САД извезува тутун во лист, мадраци, ајвар, полнети чоколада, електрични кондензатори, муниција и нејзини делови, други машини и уреди, електрични спроводници за во телекомуникациите. Сепак, најголема ставка се автобусите од ВДЛ Ван Хоол, кои пред да заминат во САД, одат во матичната фабрика во Белгија, каде што се финишира производството и контролата и потоа бродски се транспортираат до своите одредишта.

Доколку опстоеше на царините од 33 отсто за нашата земја, тоа ќе беше удар за стопанските гранки и компаниите кои најмногу извезуваат во САД, иако, ударот според македонските економисти се очекуваше повеќе индиректно, доколку се разгореше трговската војна меѓу САД и ЕУ, каде што главно е насочен македонскиот извоз.

Сега во наредниот период очигледно може да се земе здив и да се поработи на заложата која јавно беше истакната и од македонскта Влада, да е склучи договор за слободна трговија со САД. Иако, и основната царинска стапка од 10 отсто не е безначајна. Тука се и царините од 25 отсто за увоз на автомобили кои стапија на сила на 3 април, како и новите царини од 25 отсто за увоз на автоделови ќе стапат на сила до 3 мај. Но, до тогаш кој знае уште што може да се случи.  (М.Ј.)