ЕУ за една година ги продолжи санкциите кон сирискиот режим

Европската унија одлучи за уште една година да ги продолжи санкциите кон сирискиот режим, јави агенцијата Анадолија.

Во соопштението на Европскиот совет се наведува дека санкциите се продолжени до 1 јуни 2023 година, поради притисокот врз цивилното население во Сирија.

Се наведува дека од списокот со санкции се отстранети три лица, а на списокот останале 289 лица и 70 организации. Санкциите вклучуваат замрзнување на имотот и забрана за патување, соопшти Анадолија.

Цел на санкциите беа бизнисмени и компании блиски до сирискиот режим.

Дополнително, мерките вклучуваат увоз на нафта, ограничување на одредени инвестиции, замрзнување на средствата на Централната банка на Сирија во ЕУ, ограничување на извозот на опрема и технологии кои ќе се користат за вршење притисок и следење на комуникациите во земјата.

Санкциите не го спречуваат испраќањето хуманитарна помош во Сирија.