ЕУ потврди дека не може да и испорача милион гранати на Украина

Европската унија веројатно нема да може да и испорача еден милион гранати на Украина како што беше претходно договорено, изјави германскиот министер за одбрана Борис Писториус.

од ЕУ одлучија да и дадат проектили на Украина до март 2024 година за да ја поддржат  во нејзината одбрана од руската агресија.

„Целта од 1 милион нема да биде исполнета, мораме да го прифатиме тоа“, рече Писториус при пристигнувањето на состанокот на министрите за одбрана на ЕУ каде воената помош за Киев е високо на агендата. Околу 300.000 гранати се доставени до Киев според договорот досега, изјави претставник на ЕУ.

Гласовите кои уште од почетокот предупредуваа дека целта е нереална,но сега за жал се докажа дека се во право, рече Писториус, цитиран од агенцијата ДПА.

Шефот за надворешни работи и безбедност на ЕУ, Жозеп Борел, ги повика земјите-членки да дадат приоритет на извозот на муниција во Украина пред испораките во други земји, со цел побрзо да обезбедат повеќе муниција.

Министрите ќе разговараат и за тоа како да ги поддржат вооружените сили на Украина на долг рок. Плановите за воена помош од 20 милијарди евра  до 2027 година веројатно нема да ја добијат потребната едногласна поддршка, смета агенцијата.

Борел во понеделникот рече дека во декември ќе претстави нов предлог за безбедносни обврски и воена помош за Украина. Писториус ги потврди плановите за нова билатерална помош за Украина од најмалку 8 милијарди евра.

Генералниот секретар на НАТО разговараше со министрите за заштита на критичната инфраструктура за снабдување и комуникација со енергија, вклучително и подморнички цевководи и кабли за податоци. Министрите, исто така, треба да ги разгледаат плановите за заеднички сили за одговор наречени Капацитет за брзо распоредување на ЕУ. Новите сили од 5.000 лица би можеле да бидат подготвени за распоредување до 2025 година.

И министерот за надворешни работи Дмитро Кулеба синоќа во ТВ емисија потврди дека Европската унија нема да може да го спроведе својот план. Од министерот беше побарано да го коментира извештајот на Блумберг од крајот на октомври дека ЕУ ги информирала земјите-членки дека обврската за обезбедување на Украина со 1 милион артилериски парчиња до март 2024 година „ веројатно нема да биде исполнета“.

„За жал, Блумберг ја кажува вистината. Има прашања и ние, да речеме, алармираме многу гласно“, одговори Кулеба.

Тој додаде дека причината за овој проблем не е недостатокот на политичка волја во ЕУ, туку „бедната состојба на одбранбената индустрија“, како и „многу работи што не се синхронизирани, многу бирократија“.

„Европската унија работи на отстранување на овие проблеми и затоа, додека бев во Берлин, ја повикав Европската унија да развие сеопфатна политика во областа на одбранбената индустрија“, нагласи шефот на украинското МНР.

Според него, ЕУ веќе почнала да презема одредени чекори за корекција на ситуацијата. „Но, треба да го направиме тоа побрзо, ни треба повеќе. И ние овде навистина ја цениме поддршката на Европската унија, но ќе инсистираме на повеќе. Затоа што пред нашите очи е украинската пешадија на која и требаат гранати“, заклучи Кулеба. 

Обезбедувањето на Украина со муниција станува сè поитно поради фактот што Русија успеа да го зголеми сопственото производство, како и да добие значителни залихи од Северна Кореја.

Инаку, руските сили за воздушна одбрана соборија четири украински беспилотни летала над регионите Брјанск, Тамбов и Москва во текот на ноќта, соопшти руското Министерство за одбрана. Гувернерот на областа Ојол Андреј Кличков претходно соопшти дека дрон е соборен на северозапад од регионот, дека нема повредени и дека инфраструктурата не е оштетена, јавува агенцијата РИА Новости.

Русија, откако ја нападна Украина во февруари минатата година, често најавува обиди за напад на украински беспилотни летала на пограничните области, полуостровот Крим и Москва.