ЕУ го подготвува пакетот со помош за Западен Балкан

Европската комисија утре ќе  го разработува својот дел од обврската во пресрет на видео конференциската седница на лидерите од земјите членки на Европската унија и Западен Балкан која е закажана за 6 мај, соопштено е од Брисел.

Станува збор за поддршката која ЕУ му ја дава на регионот да се избори со коронавирусот, но и со економската криза која се очекува да ги „нападне“ по пандемијата. Како што е од поодамна најавено Европската комисија ќе го разгледува пакетот за помош на државите од Западен Балкан со кој е опфатен и новиот инвестициски план за овој регион, но и ќе се разговара и за европската перспектива на земјите од овој дел на континентот.

Според претходно достапните имформации, Европската комисија го подготвува инвестицискиот пакет кој треба да се мери во милијарди евра. Еден дел од парите би требало да ги обезбеди Комисијата, а другиот Европската инвестициона банка. Сеуште не е јасно дали овој пакет ќе биде презентиран во мај како што беше најавено или пак ќе биде одложен за во есен, бидејќи од Европската комисија праќаат сигнали дека во моментот се фокусирани на борбата против пандемијата со коронавирусот.

Самитот на лидерите од Европската унија и од Западен Балкан требаше да се одржи на 6 и 7 мај во Загреб, но поради актуелната здрвствена криза со корнавирусот одлучено е оваа средба да биде едноднева и тоа на 6 мај и преку видео конференциска врска.