Ердоган најави зголемување на платите на државните службеници за 45 отсто

Турскиот претседател Реџеп Таип Ердоган во вторникот најави зголемување на платите за 45 отсто за 700.000 вработени во јавниот сектор, со што минималната месечна плата за државните службеници се зголеми на 15.000 турски лири или 768 долари.

– Во рамките на овој колективен договор ги зголемуваме платите за 45 отсто, вклучувајќи го и учеството на социјалната помош, а со тоа ја зголемуваме минималната плата на работниците во јавниот сектор на 15.000 лири – рече Ердоган во главниот град Анкара.

Ердоган додаде дека Турција ќе продолжи да работи на зголемување на минималните плати за државните службеници, но и на зголемување на пензиите.

– Во јули подготвуваме чекори кои ќе бидат преземени врз основа на разликата во инфлацијата и социјалниот удел – додаде турскиот претседател.