Епстајн се обесил, покажала аутопсијата

Billionaire Jeffrey Epstein in Cambridge, MA on 9/8/04. Epstein is connected with several prominent people including politicians, actors and academics. Epstein was convicted of having sex with an underaged woman. (Photo by Rick Friedman/Rick Friedman Photography/Corbis via Getty Images)

Резултатите од аутопсијата покажаа дека причина за смртта на милијардерот Џефри Епстајн е самоубиство со бесење, изјави портпаролката на канцеларијата на шефот на Патологија во Њујорк, Аја Ворти-Дејвис.

Таа додаде дека официјалниот извештај за смртта на Епстајн ќе биде објавен во текот на денот.

Весникот „Вашингтон пост“ пред два дена објави дека аутопсијата покажала дека вратот на Епстајн бил скршен на повеќе места.

Епстајн минатата сабота беше пронајден мртов во својата ќелија во затворот на Менхетн, каде го чекаше судењето за трговија со луѓе и сексуално злоставување. Во обвинението против Епстајн се наведува дека тој намамил десетина малолетнички во своите луксузни куќи и им плаќал за сексуални услуги.