Елон Маск масовно отпушташе, сега итно вработува персонал

Одлуката за масовно отпуштање работници не помина без проблеми, бидејќи Елон Маск сега бара од вработените да препорачаат нови луѓе.

Кога Елон Маск го презеде Твитер на крајот на октомври, неговиот прв потег беше да ги отпушти речиси сите луѓе на раководни позиции во компанијата. Најбогатиот човек во светот не застана тука, туку во наредниот период успеа да отпушти дури половина од работниците, а потоа уште неколку стотици кои не ја делеле неговата „хардкор“ визија за платформата.

Поточно, Твитер за помалку од еден месец успеа да падне од 7.500 вработени на 2.700. Ваквиот исход не беше без последици, па платформата многу брзо мораше да се откаже од претплатата за Twitter Blue откако корисниците имитираа познати личности и компании. Тоа резултираше и со нефункционалност на системот за заштита на корисничките права, па моментално на оваа социјална мрежа може да се најдат твитови во кои некои корисници во целост објавуваат холивудски филмови. Сепак, со цел да се врати целосната функционалност на платформата, Маск сега е подготвен повторно да вработи нови работници.

По вчерашната средба со вработените, Маск рече дека компанијата завршила со отпуштања и сега активно бара нови инженери и маркетинг работници, охрабрувајќи ги да дадат свои препораки. Новиот сопственик не ги специфицирал видовите на инженерски или маркетинг улоги што ги бара, а компанијата моментално нема отворени позиции наведени на својата веб-страница.

„Во однос на критичните вработувања, би рекол дека луѓето кои се одлични во пишувањето софтвер се најголем приоритет“, рекол Маск за време на состанокот.

„За да бидеме дигитален јавен простор, треба да претставуваме луѓе со широк спектар на мислења, дури и ако не се согласуваме со тие ставови“, им рекол тој на вработените. Маск призна дека неговата тековна реорганизација „ќе има многу грешки“, но дека ќе се „стабилизира со текот на времето“.

Маск го истакна зголеменото користење на платформата Твитер во Јапонија како нешто кон кое компанијата треба да се стреми – „идеално во секоја земја без исклучок“. Сопственикот на компанијата истакна дека Јапонија има приближно ист број дневни корисници како и САД, и покрај фактот што Јапонија има една третина од населението во САД.

Нема сомнеж дека на платформата ѝ претстои многу турбулентен период, но се чини дека Илон Маск има план за иднината. Останува да видиме дали ќе успее во намерата и покрај тоа што многумина веруваат дека ова е почеток на крајот на Твитер и покрај тоа што веќе има големи проблеми со компанијата Твитер која повлекува свои возила третпат овојмесец.