Еден починат и четворица повредени во тешка сообраќајка кај селото Ќојлија

Во четвртокот,  во 18 часот било пријавено дека на регионален пат во атар на село Ќојлија, Скопско, се случила сообраќајна несреќа помеѓу патничко моторно возило “сеат ибица“ со скопски регистарски ознаки, управувано од Б.Х.(19) од село Ќојлија, и патничко моторно возило “даеву матиз“ со скопски регистарски ознаки, управувано од Х.Р.(60) од село Долно Коњари.

Во несреќата со тешки телесни повреди се здобил возачот Х.Р. кој бил пренесен во Комплексот клиники “Мајка Тереза“ каде починал, а смрт била констатирана од страна на лекар.

Со тешки телесни повреди се здобиле возачот Б.Х. и сопатник од возилото “даеву матиз“ Љ.Г.(63) од Скопје, констатирани во Градската општа болница “Св.Наум Охридски“. Со телесни повреди се здобиле уште двајца сопатници од возилото “сеат ибица“ А.Д.(22) и И.Д.(24) двајцата од Скопје констатирани во Комлексот клиники “Мајка Тереза“.

Извршен бил увид од Јавен обвинител и увидна екипа од СВР Скопје.