Еден Американец мислел дека добил 340 милиони долари на лотарија. Не ги добил парите

Американец кој мислел дека освоил 340 милиони долари на лотарија ги тужи организаторите и веб-страницата за која тврди дека ги објавила неговите броеви по грешка. Џон Чикс раскажа дека ги видел своите броеви на веб-страницата на лотаријата на DC на 8 јануари минатата година.

Во неговата тужба, тој тврди дека спорните броеви – мешавина од семејни родендени и други броеви од лично значење – биле онлајн три дена.

„Малку се возбудив, но не викав и не врескав. Само учтиво му се јавив на пријателот, фотографирав сè како што ми препорача и отидов да спијам“, се сеќава тој.

Не успеа да ја подигне наградата
„Не играм редовно, освен кога џекпотот се зголемува“, објасни тој. Сепак, Таоти Ентерпрајз со седиште во Вашингтон, која ја организира лотаријата, рече дека случајно објавила погрешни броеви, што значи дека броевите објавени на веб-страницата всушност не биле извлечените.

Чикс се обиде да ја земе наградата, но беше одбиен. Тој вели дека вработената му кажала дека билетот „не е валиден“ и му препорачала да го фрли во „канта за отпадоци“. Наместо тоа, тој го чувал  личето и го контактирал адвокатот Ричард Еванс, пишува Sky News.

„Тие рекоа дека еден од нивните изведувачи направил грешка. Допрва треба да видам докази за тоа. Дури и ако е направена грешка, прашањето е: „Што да се направи со тоа? Има преседан за ова, сличен случај што се случи во Ајова, каде што изведувачот ја призна грешката и ја исплати добивката“, рече Еванс.