Џузепе Конте побара трпение за укинување на строгите мерки во Италија

Науката е таа што ќе го одреди олабавувањето на мерките а не желбите, вели италијанскиот премиер

Италијанскиот премиер Џузепе Конте утрово на „Фејсбук“ ги критикуваше оние што повикуваат на побрз излез од заклучувањето. „Лесно да се каже ‘ајде да отвориме сè’. Но, добрите намери мора да бидат преточени во реалност“, напиша тој.

Тој призна дека „многу граѓани се уморни од досегашните напори и би сакале значително опуштање на овие мерки или дури и нивно целосно укинување“, но рече дека заклучувањето на Италија мора да се случи „врз основа на програма што ќе ги земе предвид… сите податоци. Сериозна, научна програма“.

Ризикот од погрешен чекор би значел „зголемување на заразата и ние мора да бидеме подготвени да го задржиме ова искачување на минималните нивоа, така што ризикот од зараза да биде толерантен“.

Откако германската канцеларка Ангела Меркел изрази огорченост од дискусиите на сојузните држави за понатамошни релаксирачки мерки, дојде редот на Конте да се спротивстави на бунтовничките региони. Во Ломбардија, најтешко погодениот регион, гувернерот сака брзо и целосно отворање на 4 мај.

Конте рече: „Во следните неколку дена ќе го анализираме овој план за повторно отворање темелно… во ексклузивен интерес на целата земја. Во интерес на граѓаните на северот, центарот, југот и островите. Никогаш нема да дозволам да се појават поделби. Ние мора да маршираме заедно и да го задржиме духот на заедницата на високо ниво“.

Планот сепак ќе ги земе предвид регионалните разлики, рече Конте, бидејќи економската и здравствената инфраструктура не е иста во регионите. Тој ќе го комуницира планот „пред крајот на оваа недела“ и додаде дека е „разумно“ да се мисли дека ќе се применува од 4 мај. Бројот на нови случаи од Ковид-19 падна на 2.256 во понеделникот, најниско ниво во последниов месец, соопшти Цивилната заштита. Но билансот на смртни случаи е многу голем – 24.114, втор највисок во светот по оној во САД. (Политико)