Џонсон по бомбардирањето на породилиштето во Мариупол: Ќе се погрижиме Путин да одговара за злосторствата
„Има малку работи што се порасипани отколку да се напаѓаат ранливите и оние без одбрана“, напиша Џонсон во твитот.
Тој кажа дека Велика Британија истражува како да обезбеди поголема поддршка за Украина во одбраната од воздушни напади.
Градскиот совет на Мариупол соопшти дека во денешното руско бомбардирање била уништена детската болница.
„Руските окупаторски сили фрлија повеќе бомби врз детска болница. Уништувањето е огромно“, јавија градските власти поткрепувајќи го кажаното со водео снимка.
Со итна реакција се јави и претседателот Володимир Зеленски.
„Мариупол. Директен погодок на руските сили врз породилиште. Децата се под урнатини. Злосторство! Уште колку светот ќе биде учесник и ќе го игнорира овој терор? Затворете го небото сега! Запрете го убивањето! Имате моќ, но, се чини, дека ја губивте човештината“, порача Зеленски.