Џонсон оптимист дека ограничувањата ќе завршат до 21 јуни

Британскиот премиер Борис Џонсон денеска изјави дека е голем оптимист дека сите ограничувања против Ковид-19 во Англија ќе завршат до 21 јуни, додавајќи дека британската Влада ќе изврши ревизија на сертификатите за вакцини.

-Се надевам дека ќе биде така, но очигледно е дека ништо не може да се гарантира, рече Џонсон, пренесен од британските медиуми.

Запрашан за воведувањето сертификати за вакцините за оние кои примиле вакцина против коронавирус, британскиот премир објасни дека има длабоки и сложени прашања што треба да се истражат, како и етички прашања во врска со улогата на владата во задолжувањето на луѓето да прават нешто или да им забранат да прават нешто.