Џонсон го нарече Трамп поранешен претседател

Англија – Британскиот премиер Борис Џонсон го нарече американскиот претседател Доналд Трамп „поранешен претседател“ додека одговараше на прашања од членовите на Парламентот.

Пратеничката на британските лабуристи Анџела Игл го праша Џонсон дали има некој совет за неговиот „долгогодишен најдобар пријател“ во врска со одбивањето на Трамп да ги признае резултатите од изборите, на кои, според проекцијата на американските медиуми, победи Џо Бајден.

Џонсон одговори дека тој „имал, односно, сè уште има добри односи со поранешниот претседател на Соединетите Американски Држави“.

– Должност на премиерот на Велика Британија е да има добри односи со Белата куќа, додаде Џонсон.