Џон Бон Џови позитивен на Ковид, го откажа концертот во Мајами Бич
САД- Џон Бон Џови беше позитивен на тестот за Ковид-19 во саботата, непосредно пред да треба да настапи на сцената во Мајами Бич, Флорида.
59-годишниот музичар е „целосно вакциниран и се чувствува добро“, изјави претставник на фронтменот на легендарната група Бон Џови за „Пипл“.
Случаите на зарази со Ковид-19 кои се јавуваат кај луѓе кои биле целосно вакцинирани против вирусот – се можни и очекувани, бидејќи вакцините не се 100% ефикасни во спречувањето на инфекции. Сепак, вакцинираните луѓе кои се позитивни на тестот најверојатно ќе бидат асимптоматски или ќе доживеат многу поблаги симптоми отколку ако не биле вакцинирани. Поголемиот дел од смртните случаи од ковид19 – околу 98 до 99% – се кај невакцинирани луѓе.
Рокерот требаше да настапи на настанот наречен „Runaway With JBJ“ во хотелот Loews South Beach кога доби позитивен резултат на брзиот тест за ковид, објави локалната филијала на NBC WSVN.
Толпата веќе се собрала на местото кога бил откриен позитивниот тест на ѕвездата. На посетителите на концертот им било кажано дека пејачот се чувствува „одлично“ и дека оди „во кревет“, додека членовите на бендот, кои биле негативни на тестот, останале на местото на закажаниот настап.
На клавијатуристот на Бон Џови, Дејв Брајан, му беше дијагностициран коронавирус во март 2020 година. Тој им кажа на обожавателите во објава на Инстаграм дека бил „болен една недела“, но „се чувствувал подобро секој ден“.
„Ве молам, не плашете се!!! Брајан, делумно, ја напиша својата објава, додавајќи: „Ве молам помагајте си еден на друг. Ова ќе заврши наскоро… со помош на секој Американец !!😎💪❤️“.
Следниот месец, Бон Џови објави дека нивната турнеја е целосно откажана.